Menntunarsjóður Félags heyrnarlausra
Menntunarsjóður Félags heyrnarlausra var stofnaður árið 1999 af
Félagi heyrnarlausra með fjárframlagi frá menntamálaráðuneytinu og
ýmissa fyrirtækja.
Tilgangur sjóðsins er að stuðla að menntun
heyrnarlausra, daufblindra og heyrnarskertra, formlegrar og óformlegrar
og einnig starfsþjálfunar.
Skilyrði fyrir styrkveitingu úr sjóðnum er að viðkomandi sé fullgildur félagsmaður í Félagi heyrnarlausra.
Hver félagi skal að hámarki fá úthlutað styrk einu sinni á ári.
Sjóðurinn
auglýsir eftir umsóknum á þar til gerðum eyðublöðum með ítarlegum
upplýsingum um umsækjendur og væntanlegt nám og er umsóknafrestur til
1. ágúst og 1. desember ár hvert.
--------
Styrktarsjóður Bjargar Símonardóttur
Tilgangur sjóðsins er að styrkja táknmálstúlkun eða textun á
íslensku menningarefni hvort heldur er í sjónvarpi, kvikmyndahúsum eða
í leikhúsum.
Rétt til að sækja um styrk hafa framleiðendur og íslenskir rétthafar
sjónvarpsefnis, kvikmynda og fræðsluefnis á myndböndum og einnig
leikhús. Þeir umsækjendur skulu að öllu jöfnu sitja fyrir sem ekki eiga
kost á öðrum styrkjum.
Umsóknum um styrki úr sjóðnum skal skila á þar til gerðum eyðublöðum
frá sjóðsstjórn, ásamt ítarlegum upplýsingum um verkefnið og
umsækjendur.
Umsóknarfrestur er til 1. ágúst og 1. desember ár hvert.
