Myndsímatúlkun
Samskiptamiðstöð býður upp á myndsímatúlkun en það er fjartúlkun á samtali í gegnum Skype þar sem annar aðilinn talar íslensku en hinn íslenskt táknmál.
TáknmálsviðmótMyndsímatúlkun er veitt sem hér segir :
- Mánudaga 9:00-15:00
- Þriðjudaga 10:00-16:00
- Miðvikudaga 9:00-15:00
- Fimmtudaga 10:00-16:00
- Föstudaga 9:00-15:00
Ef þú vilt fá samtal túlkað frá íslensku táknmáli yfir á íslensku getur þú tengst þjónustunni í gegnum Skype: myndsimatulkun
Ef þú óskar eftir fjartúlkun til þess að ná sambandi við einstakling sem talar íslenskt táknmál getur þú hringt í síma 567 7783 eða 562 7738.
TáknmálsviðmótGott að vita um táknmálssamskipti í gegnum vefmyndavél
- Hafðu vefmyndavélina og skjáinn alltaf á sama stað svo vel gangi að lesa táknmálið.
- Hafðu snjallsímann stöðugan ef hann er notaður. Ef þú ert á hreyfingu á meðan á samtalinu stendur versnar myndin.
- Notaðu hlutlausan bakgrunn.
- Reyndu að ná eins góðri lýsingu á þig og hægt er. Forðastu að hafa ljós á bak við þig sem beinist að myndavélinni.
- Vertu með öfluga nettengingu.
- Mundu að kynna þig með nafni og að þú talir í gegnum táknmálstúlk.
- Vertu tilbúin/n með þau símanúmer sem hringja á í.
- Táknaðu tölur og bókstafi skýrt og hægt.
- Láttu það skýrt í ljós þegar þú vilt ljúka samtalinu.
- Forðastu mjög munstraðar og skræpóttar flíkur. Það er best að aflesa ef þú ert í einlitum helst dökkum fötum.