-
Hervör Guðjónsdóttir
Minning Hervör Guðjónsdóttir
Hervör Guðjónsdóttir fyrrum formaður Félags heyrnarlausra og einn stofnenda þess er látin 90 ára að aldri. Hún lést á föstudaginn langa umvafin ást og kærleika fjölskyldu sinnar og eiginmanns síns Guðmundar Egilssonar. Hervör var einstök kona og markaði djúp spor í sögu Félags heyrnarlausra, hún var formaður félagsins um árabil ásamt því að hafa átt sæti í mörgum nefndum og kom þar á meðal á fót Norrænu samstarfi heyrnarlausra og þau hjón voru heiðursfélagar Félags heyrnarlausra. Hervöru var ávallt annt um félagið og lagði áherslu á að hugsa vel um félagið og gefast aldrei upp í baráttunni, var hún meðal annars fyrsta heyrnarlausa konan á Íslandi sem fékk bílpróf. Hjónin Hervör og Guðmundur tóku á sig fórnir til að félagið gæti eignast sitt eigið félagsheimili. Í kringum Hervöru var alltaf gleði og jákvæðni og minnast margir hennar með hlýju og væntumþykju, þegar hún var ung stúlka í heimavist Heyrnleysingjaskóla þar sem ung börn komu í skólann og söknuðu foreldra sinna sárt þá tók Hervör þau að sér og veitti þeim hlýju og ást. Minning hennar mun lifa í sögu Félags heyrnarlausra.
Stjórn og starfsfólk fyrir hönd Félags heyrnarlausra sendir eiginmanni Hervarar, Guðmundi Egilssyni og börnunum Bryndísi, Magnúsi, Ragnheiði, Guðjóni og Maríu og fjölskyldu þeirra okkar innilegustu samúðarkveðjur.