Fundargerð stjórnar

Stjórnarfundur 18. október 2021 kl. 15.00
Mættir: Heiðdís, Hjördís, Eyrún og Þórður
Ritari Daði

1. Farið yfir og tekin ákvörðun um auglýstar verkefnisstjórastöður
a. Geðheilbrigðisverkefni:
Framkvæmdastjóri fær umboð til að ræða við þann eina umsækjanda sem sótti um starfið og afla tillagna á hvernig viðkomandi sér starfið fyrir sér áður en ákvörðun verður tekin með framhaldið.

Niðurstaða stjórnar:
Tillaga umsækjanda var mjög metnaðarfull og viðamikil og í raun miklu stærri en verkefnið var hugsað í upphafi. Svo stórt verkefni myndi reynast mun tímafrekara en þessi tímabundna verkefnisstjórastaða var hugsuð upphaflega auk þess sem kostnaður hefði farið langt yfir þau mörk sem styrkur við verkefnið stóð undir. Þá var mat stjórnar að við svo viðamikið og viðkvæmt verkefni sem geðheilbrigðisverkefnið væri yrði gerð krafa um þekkingu og reynslu á því sviði sem var ekki raunin. Var verkefninu beint áfram í þann verkferil sem upphaflega var lagt af stað með og auglýsingu um stöðuna frestað.

2. Upptöku og studioverkefni:
Tveir sóttu um og er óskað að framkvæmdastjóri hitti báða umsækjendur og meti og kynni fyrir stjórn hæfi, hugmyndir og tillögur umsækjenda áður en ákvörðun verði tekin.
Niðurstaða stjórnar:
Umsagnir beggja umsækjenda voru kynntar og kostir og gallar þeirra skoðaðir og metnir. Það sem hafði mikið vægi hjá stjórnarmönnum var að annar umsækjenda ætlaði að vinna beggja megin myndavélarinnar á meðan hinn óskaði að svo væri ekki og aðrir fengnir til þess verks. Að vinna beggja megin vélar er hraðvirkara og skilvirkara og auðveldar allar slíka vinnu. Ákveðið var að Sindi Jóhannsson yrði ráðinn tímabundið til 31. maí 2022 og hann stígi þá til hliðar sem varamaður í stjórn þar sem hagsmunir eiga ekki saman í þessum máli.

Varðandi málefni verkefnastjóra breytinga á sal var ákveðið að kalla á umsækjanda þess verkefnis og ræða möguleika og hagræði slíkra breytingatillagna.
Framkvæmdastjóri félagsins var fenginn til að svara umsækjendum.

Fundi lokið 16.00