Fundargerð stjórnar

Stjórnarfundur 27. Mars 2025 kl. 16.30

Fundargerð

Mættir: Heiðdís, Berglind, Eyrún og Uldis. Þórður boðaði veikindi með stuttum fyrirvara

Fundarefni: Aðalfundur Félags heyrnarlausra 2025 - undirbúningur

Stefna á aðalfundinn 8.maí en annars 15.maí.

Stjórn samþykkti 8. maí og endurskoðendur segjast hafa ársreikninginn tilbúinn þá. 5. maí stefnt að halda stjórnarfund með endurskoðanda sem fer yfir ársreikning 2024.

Fundarboð sent síðasta lagi 10.apríl 2025 (28 daga fyrir aðalfund)

Kjörnefnd - fundargerð 2023 þá eru það Júlía, Sara og Karen. Heiðdís setur sig í samband við þær til að undirbúa sig.

Kosningar - varaformaður, 1 meðstjórnandi og 2 varamenn.

Framboð - 17 apríl (21 dagar fyrir aðalfund) og eins með lagabreytingar

Ársreikningar - 2023 (stjórn búin að fá kynningu og samþykkja)

- 2024 stefna á að fá kynningu 5 maí

Báðir reikningar lagðir fram á aðalfundi.

Skýrsla stjórnar 2023-2025 – Heiðdís skrifar og stjórn samþykkir eftir athugasemdir 6.maí

Fundarstjóri:

Lögð fyrir og samþykkt þrjú nöfn að tala við sem fundarstjóra: Formaður fékk umboð til að ræða við þá.

Ritari:

Lagðar fyrir tillögur og formaður fær umboð til að ræað við þá. 

Tekið upp? Já

Streymi? Nei

Dagskrá aðalfundar skal vera eftirfarandi:

a) Formaður félagsins setur fundinn
b) Kosning fundarstjóra
c) Kosning ritara
d) Endurskoðaðir reikningar fyrir síðasta almanaksár lagðir fram til samþykktar
e) Formaður les skýrslu stjórnar frá tímabili síðasta aðalfundar
f) Umræður um skýrslu stjórnar
g) Bornar upp tillögur er fyrir fundinn hafa verið lagðar
h) Kosning varaformanns, eins aðalstjórnarmanns og tveggja annarra varastjórnarmanna
i) Tillögur um lagabreytingar, ef fyrir liggja
j) Ákvörðun félagsgjalds
k) Önnur mál

Önnur mál er komu upp á fundinum varðandi aðalfundinn:

Óskað hafði verið eftir barnapössun í boði á meðan fundinum stæði.

Stjórn hafnaði þessari beiðni og telur hana ekki til hlutverkaskyldu sinnar á aðalfundi.

Stjórnin ítrekar ákvörðun sína með vísan til laga að EKKI megi taka með sér gesti á aðalfundinn. Hann sé eingöngu döff löggiltum félagsmönnum er greitt hafa félagsgjöld.

Laga skal orðalag í lögum félagsins að ”endurskoða skal ársreikninga seinustu tvö almanaksár”.

Önnur mál tekin upp á stjórnarfundi:

• Tveir félagsmenn sendu inn styrktarbeiðni niðurgreiðslu ferðar á sýningu BMW döffsýningar erlendis og á móti myndu þeir taka upp fréttaþátt frá ferðinni. Stjórn ákvað að sýna því áhuga á að kaupa fréttaþáttinn, sé hann vel unninn og í hæfilegri lengd 10+ mínútur og greitt yrði að hámarki 75.000 krónur. Heiðdís upplýsir ákvörðun stjórnar til umsækjenda.

• Formaður kynnti nýjan styrktarsjóð, Örvar á vegum mennta- og nýsköpunarráðuneytis þar sem hugmynd væri að sækja um styrk í málefnum ÍTM og ungmenna hjá Táknmálseyjunni í formi handritagerðar og kvikmyndatöku. Verkefnið yrði gert í samstarfi við SHH sem hefur lýst áhuga á verkefninu en FH mun verða umsóknaraðili verkefnisins þar sem einungis samtök geta sótt um í sjóðinn. Stjórn samþykkti og formaður mun hefja umsóknarferli.

• Þriggja ára skipunartíma Döffsjóðsins lýkur í haust. Taka þarf ákvörðun um hvort sjóðurinn haldi áfram, hvíldur eða markmiði sjóðsins breytt. Stjórn tekur fyrir á aðalfundi.

• Stjórn samþykkti að fela framkvæmdastjóra að semja við verkefnastjóra puttalingastarfs og Döff + félagsstarfs.

• Næsti stjórnarfundur er 28. Apríl kl. 16.00

Fundi slitið kl. 17.40